ဆရာဆိုတာ အင်္ဂလိပ်လိုခေါ်ရင်( Teacher ) ဆိုတာတော့ အားလုံးသိပြီးဖြစ်မှာပါ။

 ဆရာဆိုတာ အင်္ဂလိပ်လိုခေါ်ရင်( Teacher ) ဆိုတာတော့ အားလုံးသိပြီးဖြစ်မှာပါ။ 

ဒါပေမယ့် တကယ်တော့( Teacher )ဆိုတဲ့ ထို စာလုံးဖြစ်လာတာဟာ စာလုံးများစွာရဲ့ အစ စကားလုံးလေးတွေ ပေါင်းထားတာပါ လို့ ဆို ပါတယ် ။ 

T = teaching 

E = education 

A = active 

C = clever 

H = honest 

E = expert 

R = research minded

အဲဒီအချက်တွေထဲက တစ်ချက်တလေကျန်ခဲ့ရင် Teacher ဖြစ်မှာမဟုတ်တော့ပါ။ ဒါကြောင့် စာလုံးတစ်လုံးစီကို အကျယ်ဖွင့်ကြည့်ကြပါစို့။

,

Teaching(ပညာသင်ကြားပေးခြင်း)

======================== 

ဆရာဆိုတာ တစ်စုံတစ်ခုကို တတ်မြောက်အောင်သင်ကြားပေးသူလို့ အလွယ်တကူ အဓိပ္ပာယ်ဖွင့်လို့ရပါတယ်။ ၁။ သင်ဆရာ ၂။ မြင်ဆရာ ၃။ ကြားဆရာ ဆိုပြီး ဆရာသုံးမျိုးပြန်ခွဲထားပါတယ်။ ဘာပဲဖြစ်ဖြစ် ဆရာလို့ခေါ်ခံရဖို့ သူတပါးကို တစ်ခုခုတော့ လမ်းညွှန်သင်ကြားပေးသူတော့ ဖြစ်ဖို့လိုတာသေချာပါတယ်။

.

Education(ပညာတတ်မြောက်ခြင်း) 

========================= 

ဆရာတစ်ယောက်ဟာ ထိုက်သင့်တဲ့ပညာကိုတော့ တတ်မြောက်ထားဖို့လိုပါတယ်။ ဘာကြောင့်လဲဆိုရင် ဆရာတော်မှ တပည့်တတ်မှာဖြစ်လို့ပါ။ ဆရာကို၌က Educated ပညာတတ်ပုဂ္ဂိုလ်ဖြစ်မှ တပည့်တွေရဲ့ လေးစား အားကျခြင်းကို ရနိုင်မှာဖြစ်တဲ့အပြင် သူတို့ကိုအလွယ်တကူ လမ်းညွှန်နိုင်မှာဖြစ်ပါတယ်။

Active(တက်ကြွမှုရှိခြင်း) 

================= 

ဆရာတွေဆိုတာ ကျောင်းသားတွေရဲ့ရှေ့ဆောင်ပုဂ္ဂိုလ်တွေဖြစ်ပါတယ်။ ဒီပုဂ္ဂိုလ်တွေဟာ ထက်မြက်တက်ကြွမှု အပြည့်ရှိဖို့လိုပါတယ်။ တက်ကြွတဲ့ဆရာရဲ့လမ်းညွှန်မှုအောက်ကတပည့်တွေဟာစိတ်ဓာတ်ရော၊ ယုံကြည်မှုပါ မြင့်မားကြတာမို့ ပညာရေးရည်မှန်းချက်ကို ပီပီပြင်ပြင်ဖော်ဆောင်နိုင်မှာဖြစ်ပါတယ်။ ကျောင်းသားဆိုတာ ဆရာရဲ့အရိပ်အခြေကို အမြဲအကဲခတ်နေကြတာမို့ ဆရာလုပ်သူက လေးလံထိုင်းမှိုင်းနေတာကိုမြင်ရင် သူတ်ို့ကပိုပြီး ပျင်းရိဖင့်နွှဲကြပါလိမ့်မယ်။ ဒါကြောင့် တက်ကြွမှုရှိရမယ်ဆိုတဲ့ အရည်အသွေးဟာဆရာတစ်ယောက် အတွက် အရေးအကြီးဆုံး အရည်အသွေးဖြစ်ပါတယ်။

Clever( လိမ္မာ ပါးနပ်မှုရှိခြင်း) 

================ 

ဆရာဆိုတာ ကျောင်းသားတွေထက် အပြန်တစ်ရာတစ်ထောင်မက ပါးနပ်ဖို့လိုပါတယ်။ ကျောင်းသားတစ် ယောက်ရဲ့ မျက်နှာအမူအယာက်ို တစ်ချက်အကဲခတ်ရုံနဲ့ကျောင်းသားရဲ့အတွင်းစိတ်ကိုသိဖို့လိုအပ်ပါတယ်။ ကျောင်းသားတစ်ယောက်ဘာလိုချင်တယ်၊ ဘာဖြစ်နေတယ်ဆိုတာကို အလွယ်တကူသိနေလေ့ရှိတဲ့ ဆရာ တစ်ယောက်ရဲ့ဦးဆောင်မှုအောက်မှာ ကျောင်းသားတိုင်းဟာ ပျော်ပျော်ကြီးကြိုးစားကြပါလိမ့်မယ်။ ပါးရည်နပ်ရည်ရှိခြင်းဆိုတဲ့ဂုဏ်ရည်ဟာ မွေးရာပါအရည်အသွေးမဟုတ်ပါ။ အာရုံစိုက်မှု၊ လေ့လာမှုတို့ရဲ့ အသီးအပွင့်ပါ။ ဒါကြောင့် ဆရာကောင်းတစ်ယောက်ဖြစ်ချင်ရင်တော့ ကျောင်းသားတွေရဲ့ အမူအကျင့်တွေ၊ မျက်နှာအမူအယာတွေ၊ သင်္ကေတတွေကို အမြဲလေ့လာမှတ်သားပြီး ပါးနပ်မှုရှိလာအောင် လေ့ကျင့်ယူရပါ လိမ့်မယ်။

Honest(ရိုးသားခြင်း) 

=============== 

ဆရာကောင်းဖြစ်ချင်ရင်တော့ ရိုးသားရပါလိမ့်မယ်။ ရိုးသားခြင်းနဲ့ ညံ့ဖျင်းခြင်းဟာ ပြဒါးတစ်လမ်း၊ သံတစ်လမ်းပါ။ ဆရာလုပ်ပြီးရိုးနေရင် ခံသွားရမယ်ဆိုတဲ့ ခပ်ညံ့ညံ့အတွေးမျိုးတွေ မတွေးမိပါစေနဲ့။ ပါးပါးနပ်နပ်ရှိပြီး ရိုးသားတဲ့ဆရာကို ကျောင်းသားတိုင်းချစ်ကြပါတယ်။ ရိုးသားချင်ရင်တော့ ဟန်ဆောင်မှုကင်းရပါလိမ့်မယ်။ ဆရာတစ်ယောက်ဟာ အရာရာကို မသိနိုင်ဘူးဆိုတာ ကျောင်းသားတိုင်းနားလည်ကြပါတယ်။ သင်ခန်းစာတစ်ခု ကို ရှင်းပြနေရင်း ကိုယ်တိုင်မျက်စိလည်နေပြီဆိုရင် အကောင်းဆုံးကတော့ဆရာမျက်စိလည်နေပြီဟေ့လို့ ၀န်ခံလိုက်တာပါပဲ။ အဲဒီလို၀န်ခံရင် ကျောင်းသားတွေအထင်သေးလိမ့်မယ်ဆိုတဲ့ အတွေးဟာမှားပါတယ်။ ကျောင်းသားတွေရဲ့စိတ်ထဲမှာ သူတို့ဆရာရဲ့ရိုးသားမှုကို အသိအမှတ်ပြုသွားပြီး ပိုလို့တောင်လေးစားလာပါ ဦးမယ်။ အဲဒီလိုမဟုတ်ပဲ ရချင်ယောင်ဆောင်ပြီး အတင်းရှင်းပြနေရင်တော့ ကျောင်းသားက ဆရာရဲ့မရိုးသားတဲ့ အတ္တကို အထင်သေးပါလိမ့်မယ်။ အဲဒီဥပမာကို လက်ကိုင်ထားပြီး တပည့်တွေနဲ့ဆက်ဆံတဲ့နေရာမှာ ဆရာတစ်ယောက်ဟာ အတတ်နိုင်ဆုံးရိုးသားဖို့လိုအပ်ပါတယ်။

Expert(ကျွမ်းကျင်တတ်မြောက်ခြင်း) 

========================= 

ဆရာကောင်းတစ်ယောက်ဟာ သက်ဆိုင်ရာနယ်ပယ်မှာ ကျွမ်းကျင်တဲ့ပညာရှင်ဖြစ်ဖို့လိုပါတယ်။ ကျွမ်းကျင် တတ်မြောက်မှုအပြည့်ရှိတဲ့ ဆရာကို ကျောင်းသားတိုင်းက လေးစားကြတာမို့ အထူးတလည်အားစိုက်စရာမလိုပဲ ကျောင်းသားတွေကို စည်းရုံးပြီးဖြစ်သွားပါတယ်။ ကျောင်းသားဆိုတာ ဆရာရဲ့ကျွမ်းကျင်မှုကို ဂုဏ်ယူ၀င့်ကြွား ချင်ကြသူတွေချည်းမို့ ကိုယ်တိုင်က ကျွမ်းကျင်တတ်မြောက်ခြင်းဟာ ဆရာကောင်းတစ်ယောက်က ကျောင်းသား တွေကို ပေးနိုင်တဲ့ အကောင်းဆုံးလက်ဆောင်ပါ။

Research minded(သုတေသနပြုတတ်သောစိတ်ထားရှိခြင်း) ========================================== 

ဆရာဆိုတာ ပညာရေးလောကရဲ့ခေါင်းဆောင်ပါ။ တိုးတက်တဲ့အမြင်တွေရှိတဲ့ ခေါင်းဆောင်ကိုပဲ နောက်လိုက် တွေက လေးစားကြတာလောကသဘာ၀ပါ။ ဒါကြောင့်ဆရာကောင်းတစ်ယောက်ဖြစ်ချင်ရင်တော့ တိုးတက်တဲ့ အမြင်တွေရှိဖို့လိုပါတယ်။ ငါတို့ငယ်ငယ်ကလည်း ဒီလိုပဲလုပ်ခဲ့ရတာပဲဆိုတဲ့ စကားတစ်လုံးလက်ကိုင်ထားပြီး ကျောင်းသားတွေကို အတင်းတွန်းနေရင်တော့ ကျောင်းသားတွေရဲ့စိတ်ပျက်စိတ်ကုန်ခြင်းကလွဲလို့ ဘာမှရမှာ မဟုတ်ပါ။ ပြောင်းလဲလာတဲ့ ခေတ်နဲ့လောကကို ဆရာလုပ်သူဆိုတာ အမှန်အတိုင်းမြင်ဖို့လိုပါတယ်။ လွယ်လွယ် ပြောရရင်တော့ ဆရာဆိုတာ ကျောင်းသားထက်ခေတ်မီဖို့လိုတယ်လို့ ဆိုလိုတာပါ။ လူငယ်တွေဆိုတာ ခေတ်မီတာ၊ ဆန်းသစ်တာကို အမြဲလိုချင်နေကြတာဖြစ်လို့ သူတို့ထက်ပိုပြီးတိုးတက်တဲ့ ခေတ်အမြင်၊ ခေတ်အတွေးရှိတဲ့ဆရာကို မြတ်နိုးလေးစားကြမှာ မလွဲပါ။ အထက်က အချက်တွေနဲ့အားလုံးပြည့်စုံအောင် ကြိုးစားနိုင်ပါမှ Teacher ဆိုတဲ့ဆရာတစ်ယောက် ဖြစ်ပါ လိမ့်မယ်။ Teaching ပညာသင်ကြားပေးခြင်း တစ်ခုထဲနဲ့တော့ ကိုယ့်ကိုယ်ကို ဆရာဖြစ်ပြီလို့ ပြောလို့ မရတော့ပါ။ အနန္တဂိုဏ်းလဲ၀င်မှာ မဟုတ်ပါ။ ဒါကြောင့် ဆရာတစ်ယောက် ပီပီပြင်ပြင် ဖြစ်ရလေအောင် အထက်ပါ အချက်တွေနဲ့ ပြည့်အောင်ကြိုးစားပြီး ကျောင်းသားတွေအတွက် ဘ၀ရဲ့လမ်းပြကြယ်တွေအဖြစ် အကောင်းဆုံး ထွန်းလင်းပေးကြပါစို့လား

crd

#crd#