🎀 မြန်မာကဗျာဖွဲ့နည်း( ၁)🎀 ✒ မြန်မာအက္ခရာများ ✒

 🎀 မြန်မာကဗျာဖွဲ့နည်း( ၁)🎀

✒ မြန်မာအက္ခရာများ ✒

 🔖 သရ 🔖

  မြန်မာဘာသာတွင် အခြေခံသရ ( ၁၁) လုံးရှိသည်။

၎င်းတို့မှာ-

 ( အ၊ အာ၊ အိ၊ အီ၊ အု၊ အူ၊ အေ၊ အဲ၊

   အော၊ အော်၊ အို) တို့ဖြစ်သည်။

သရဆိုသည်မှာ မည်သည့်အက္ခရာကိုမျှ မမှီခိုရဘဲ မိမိဘာသာ အသံထွက်ဆိုနိုင်သော အက္ခရာများဖြစ်သည်။🥀

  🔖 ဗျည်း 🔖

  ဗျည်းဆိုသည်မှာ သရနှင့်မှီတွဲဖက်မှသာ အသံထွက်နိုင်သောအက္ခရာများဖြစ်သည်။ 

 မြန်မာဗျည်း ( ၃၃)လုံးရှိသည်။

၎င်းတို့မှာ-

 က ခ ဂ ဃ င

 စ ဆ ဇ ဈ ည

 ဋ ဌ ဍ ဎ ဏ

 တ ထ ဒ ဓ န

 ပ ဖ ဗ ဘ မ

 ယ ရ လ ဝ သ

 ဟ ဠ အ

 တို့ဖြစ်သည်။🥀

 🔖 သရ နှင့် ဗျည်း 

           ပေါင်းစပ်ပုံ 🔖 

   ဗျည်းဖြစ်သော " က်" ကို 

သရဖြစ်သော " အ" နှင့်ပေါင်းလျှင်

" က" ဟူ၍ အသံထွက်သည်။

ထိုနည်းတူ-

 က်+ အ= က.    က်+ အိ= ကိ

 က်+ အာ= ကာ   က်+ အီ= ကီ

 က်+ အား= ကား  က်+ အီး= ကီး

 က်+ အု= ကု        က်+ အေ့= ကေ့

 က်+ အူ= ကူ        က်+ အေ= ကေ

 က်+ အူး= ကူး     က်+ အေး= ကေး

🥀🥀

 🔖 ကာရန် 🔖

   ကာရန်ဟူသည်မှာ အက္ခရာ၏အဆုံးသံဖြစ်သည်။

" ကာရန္တ" ဟူသောပါဠိစကားမှ ဆင်းသက်လာသောစကားဖြစ်သည်။ ဥပမာ-

" က" အက္ခရာ၏အသံသည် " အ"

ဖြစ်သည်။

" ကာ" အက္ခရာ၏အသံသည် "အာ"

ဖြစ်သည်။

" ကား" အက္ခရာ၏အသံသည်

" အား" ဖြစ်သည်။

" ခဲ" ဟုဆိုလျှင် " အဲ" ကာရန်ဟုသိရမည်။

" စူး" ဟုဆိုလျှင် " အူး" ကာရန်ဟု သိရမည်။🥀

 ကာရန်ယူရာတွင် အက္ခရာ၏အဆုံးသံချင်း အညီယူသည်လည်းရှိသည်။

 တပိုဒ်နှင့်တပိုဒ်တို့၏အဆုံးရှိ

အသံချင်း အညီယူသည်လည်းရှိသည်။

 နှစ်ပိုဒ် သုံးပိုဒ်စသော ဝါကျတို့၏အဆုံးရှိ အသံချင်းအညီယူသည်လည်းရှိသည်။

 အက္ခရာ၏အဆုံးကာရန်ကို ဝဏ္ဏကာရန်၊ 

 စာပိုဒ်၏အဆုံးကာရန်ကို 

ပဒကာရန်၊

 ဝါကျ၏အဆုံးကာရန်ကို ဝါကျကာရန်ဟူ၍ခေါ်ကြသည်။

ကာရန် ( ၆၄)ပါးရှိသည်။အောက်တွင် ဖော်ပြထားပါသည်။🥀

   ကာရန်သဘောကိုသိအောင် အကြိမ်ကြိမ်အထပ်ထပ် လေ့ကျင့်ရမည်။ထို့ပြင် တလုံးချင်းထပ်မျှမက

နှစ်လုံးတွဲ၊ သုံးလုံးတွဲ၊ လေးလုံးတွဲ စသည်ဖြင့် ကာရန်အထပ်၊ နဘေထပ်များကိုလည်း

 လေ့ကျင့်သင့်သည်။ 

  အောက်တွင်နမူနာ

ပြထားပါသည်။🥀

၁။ မာမာ        ၂။ ညအခါ

    လာပါ             လမသာ

၃။ စောဖေ     ၄။ စုံမြိုင်တွင်း

    နောကျေ။       ထုံကြိုင်သင်း။

၅။ ရေတံခွန်   ၆။ မာမာ ချာချာ

     ဟေမဝန်။      သာသာယာယာ။

၇။ ပန်းပိတောက်မင်း

     လမ်းတလျှောက်သင်း။

၈။ မဲဇာတောင်ခြေ

     သဲသာသောင်မြေ

     ပွဲခါညောင်ရေ။

၉။ ပေးစရာလည်း ငွေမရှိ

     ​ပြေးစရာလည်း မြေမရှိ။

၁၀။ အကြံမရှိ နောက်လိုက်

       ဆန်မရှိ ကောက်စိုက်။

  အထက်ပါနမူနာများကိုမှီး၍ အမျိုးမျိုးလေ့ကျင့်ကြည့်ပါ။ အထူးသဖြင့်

စကားပုံများ၊ စကားထာများကို လေ့ကျင့်ကြည့်လျှင် ပို၍ လွယ်လွယ်ကူကူသဘောပေါက်ပါလိမ့်မည်။ အထူးမှတ်ရန်မှာ ကာရန်ညီအောင်လေ့ကျင့်ရာတွင် အသံလည်းညီ၊ အသတ်လည်းညီလျှင် အကောင်းဆုံးဖြစ်သည်။ သို့ရာတွင် ကဗျာ့သဘောသည် ရွတ်ဆိုမှုကို ပဓာနထားသောကြောင့် အသံညီ၍ အသတ်မညီပဲလည်း စပ်ဆိုလေ့ရှိကြသည်။ ဥပမာအားဖြင့်-

 " ပန်းလိုမွှေးပါစေ

    စမ်းလိုအေးပါစေ" ဟူသောစကားတွင် " ပန်း" နှင့် " စမ်း" သည်

အသတ်မတူချေ။ သို့ရာတွင် အသံကိုအဓိကထား၍ စပ်ဆိုထားခြင်းဖြစ်သည်။ 

   ရှင်မဟာရဋ္ဌသာရ စသောပုဂ္ဂိုလ်တို့ကား အသံညီအသတ်ညီ စပ်ဆိုလေ့ရှိသည်။ မည်သို့ပင်ဖြစ်စေ၊

ကာရန်နိုင်အောင်လေ့ကျင့်ရာတွင် အသံအမျိုးမျိုးထပ်၍ လေ့ကျင့်သင့်သည်။🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻

📗 ဆရာကြီးတင်မိုး 📗 

    { မြန်မာကဗျာဖွဲ့နည်း}