တောရှစ်မျိုး ။🌳🌳🌳🌳

 တောရှစ်မျိုး ။🌳🌳🌳🌳

၁။  မြိုင်

၂။  ဂနိုင်

၃။  ရဂုံ

၄။  စုံ

၅။  ခင်တန်း

၆။  ပြား

၇။  အင်တိုင်း

၈။  စေးပျစ်   ဟူ၍ ဖြစ်လေသည်။

မြိုင် ---

 စိမ့်စမ်း သစ်ပင်တို့ဖြင့် ဝေဆာသော တောမျိုး

ဂနိုင် --- အလွန် နက်ရှိုင်း ထူထပ်သော တောမျိုး

ရဂုံ ----

 သာယာလျှက် ကြည်နူး ပျော်ရွှင်ဘွယ် ကောင်းသော တောမျိုး

စုံ ---- 

တစ်တောနှင့် တစ်တော ဆက်စပ်နေလျှက် 

 လမ်းခရီးရှိသည့် တောမျိုး

ခင်တန်း ---- 

ချုံကြီး ချုံငယ်များ ပြွမ်းတီး စီတန်းကာ အမြင့် အနိမ့် အလိုက် ပေါက်ရောက်နေသော တောမျိုး

ပြား ---- ညွံထူထပ်သော တောမျိုး

အင်တိုင်း ---- 

ကျောက်တန်း ကျောက်စရစ် ထူပြော၍မြက်များ ရောနှော ပေါက်တတ်သည့်တောမျိုး

စေးပျစ် ---- 

စည်းရိုးသဖွယ် ဖြစ်နေအောင် ထူထူထပ်ထပ်သစ်ပင် ပေါက်တတ်သည့် တောမျိုး

 ဤတော ရှစ်မျိုးကို ခြုံ၍ ကဗျာတစ်ပုဒ်ဖြစ်

အောင် စပ်ဆို ခဲ့ကြလေသည် ။

     

စိမ့်စမ်းဝေဆာ ၊ တပြာလွန်နက် ၊ တချက်သာမော ၊

သကော့တသီး၊ လမ်းခရီးနှင့် ၊ ချုံကြီးချုံငယ် ၊ တသွယ်ညွံထူ ၊ တမူကျောက်ပေါ ၊ မြက်နှောသဏ္ဍာန် ၊ တတန်စည်းရိုး ၊ ပြည့်ဖြိုး သစ်ပင် 

ဤရှစ်အင်သည် ခေါ်တွင် ကျော်ဟိုး တောရှစ်မျိုး

ဟူသတည်း ။

မူရင်းရေးသူ ဆရာကြီးဦးဟုတ်လင်း

ဆောင်းပါး၊ကဗျာ၊စာစီစာကုံး အစရှိသည်တို့

အတွက် ရည်ညွှန်းကိုးကားသိရှိနိုင်ရန်

ဗဟုသုတအနေဖြင့်မျှဝေပါသည်။

#အလင်းပညာရေး

#ပညာရေးနှင့်အနာဂတ်လူငယ်များ